Kay Grupo Parlamentario por el Bienestar Animal tantari mikuna wiwa hawa rimarka, kay tantaritaka, Jorge Yunda kamachiy killka pushashkami kan.
Shinami runakuna mikuna wiwakunata rantinkapa tukuylla llaktay rikuna kan nirka.
Chay Fundación Trato Ético Animal (TEA) kamaywasimanta, Chay Marinella Irigoyen kamachik wiwakunata rantimushpa pushamukuk pacha rikuna nirka.
Kay pachapimi unkushka, shuwashka wiwakunawan chakrunata ushan nirka.
Kay llakikunata rikunka shuk kamachiymi mutsurin nirka, chay rikuy kallarinka pichka tantarikuna killkashka pankakunata chayachirka, chay sukta pakmapimi rakirishka karka: shukka, killkashka hawa karka, ishkayka pakllakunapi taripashka karka, kay kamutaka runakuna, kamachikkuna, ista runakuna, yachakkuna yuyayta churashkami karka. Mikuna wiwakuna antawapi alli shamuchun rikuna kan nirka.
Wiwakunata apamukushpaka ama mancharichun, takarichun, sarurichun, wañuchun, shunku nanarichun, supaypi kachun, wiksata nanachichun, miyurichun, llapirichun, chakirichun, shaykuchun, chukririchun, makanakuchun rikuna kan, kay llakikunawanmi Quito llaktapak, Guayaquil llaktapak wiwa wañuchina tampuman chayan nirka.
Kunanpika chay antawallapillatakimi chitakuna, kuchikuna, wiwikakuna, pishkukuna shamun, chay wiwakuna upyana yakuta, mikunatami charina kan, wayrapash yaykunami kan; saruna pampapash chakishka, chiktashka kaspiwan, hillaywan rurashkami kana nishpa willarka.
Chay wiwa wañuchina wasimanka karu llaktakunamanta pushamushka kan, kuchikuna chukrichishka chayamun, utka urayachun waktashka, haytashka, sarushka, takashka, rinrimanta, chupamanta chutashka pampaman urayan nirka. Shina rurakpika wiwakunaka nanarishka, wakllirishkami kanka nishapa willarka.
RSA/eg/jc-kichwa
