Yallik, chay Cartera de Justicia, José Serrano Salgado kamachik, Yallik Mamallakta Pushak, Rafael Correa Delgado, kay Comité Interinstitucional para el seguimiento de la investigación del caso Gabela taripak tantarita wiñachirka nishpa willarka.
Shinami Patricia Ochoa, wañushka Gabela awkapak warmi rimashkata tikrachirka, achiklla sakirka.
Chay José Serrano, Comisión Mutipartidista tantariman kayashka karka, chaypimi awka Jorge Gabela imashina wañushkata achiklla sakirka, pay kamachik kashpa Mamallaktapak shutipi chay llakita katishka hawa riksichirka,
Chay “Comité interinstitucional mana kachashkata uyarkachu, kamachiywanpash mana rikurkachu, alli kayman llankarka”, shinami Serrano riksichirka, Argentina llaktamanta Roberto Meza killkashkata Mamallakta Pushakman chayachishka karka.
Kamachik Fiscalía del Estado rikuchishkawan tantachishpami kachashka kan nirka, chay pankakunata killkakatikushpa Comité tantari pantaykunata tarishkatapash rikuchishka karka nishpa willarka.
Shutita mana willashpalla, shukta willaykunata rimashpa fiscal kamachikpak shutipi kullkita churashakta willarka, chay wañushka kamachikpak warmi chay kullkita surkushkatapash willarka. “Kaytami taripayta rurana kan nishpa”, rimarka.
EG/pv/jc-kichwa
