Tukuy kamachiy killkakkuna 96 apuchikunawan Mamallakta Tantanakuy Hatun kamachiy llankayñanta, yachayta paktachishpa katichun mañarka.
Shinamim Día del Deporte Ecuatoriano punchata paktachirka, shina mushuk pata pukllaykunata llaktakunaman chayachichun mañarka.
Ashtawankarin tukuy kamachiy killkakkunami samarikuna mirarichun kullkiwan shuktak kamaywasikuna yanapanata charin nirka.
Kamachiy killkak Sebastián Palacios, Grupo Parlamentario de Inclusión, Masificación y Fortalecimiento del Deporte llankayta pushak, Mamallakta Pushak Lenín Moreno kamachikman riksichina nirka.
Mushuk kamachiy kay Plan de Alto Rendimiento llankayta mana wakllichinka nirka, pukllakkuna ashtawan allichirichun, alli pukllayta rikuchichun Mamallakta kullkiwan yanapachun mañarka, allpapacha pukllaykunapi kamarikunata hapichun nirka.
Shinallatak, ushak hatun pukllay kamachikkunata yachayta, pukllanakunata mirachichun, yachana wasikunapak yachaykunapi pukllana hawa yachachichun mañarka, chikan chikan yachay patakunapi ukunkuyuri yachaypi pukllana yachayta churachun mañarka, samarina pachata mirachishpa pukllayman yaykuchina nirka, shina Mamakamachiypi rimashka kasilla hillay hayñita paktachichun rimarka.
Tukuchinkapa Mamallakta Tantanakuy pukllay mirarichun shuk kamachiyta arinirka, chaymi pukllayta, yachayta, aycha kuyurita Mamakamachiy rimashka, tawka pukllaykunata ñawpakman pushanka, tukuylla llaktayta paktachinka.
EG/pv/jc-kichwa
