Shinami karwa killa, 1 punchakama, kay Comisión de Derechos Colectivos tawka runakunamanta Willay kamachiy alli killkarichun alli yuyaykunata, rikuykunata chaskinka.
Shinami Jorge Corozo kay llankayta pushak tukuykunaman willarka. Chaymanta kay killa, awaki, 30 puncha, 15:00 sayllamanta, Pablo Celi de la Torre, contralor General del Estado kamachikta chaskinka.
Chay Contraloría kamaywasi ankikuna, karu rikuchikkuna, killkak katiknakuy mishanakuyta riksichirka, chayta yuyarichun nirka, 2016 watapi mishanakuyman kayashka katikuy paktarka, shinami tawka willak hillaykuna chaskirishpa sakirika.
Kay chapak kamaywasi, 22 puncha, raymi killa imashina mishanakuy paktashka willayta chayachirka, shinami 1.472 anki katinakuy, karu rikuchik katinakuypash rikurirka, chaypimi mana tukuy mishanakuk paktapakta mana hapirka, mishayman yaykurikkuna mana kamashka karka. Ñawpamanta shamuk ankikuna, karurikuchikkuna mishanakuyta pichachun mañarka.
Yanapay
Tayta Jorge Corozo, kunakama 74 mañakkuna ñukanchk willashkata uyashka nirka, paykunaka 14 mushuk allichina, Mamallakta Pushak kachashka mañaykunatami riksirka, payka arininkapa, kamachiyta killkankapa nikikunata katishpa allita rikuna nirka, shina kipaman alli kamachiy killkakrichun mañarka.
Shinami mushuk yuyaykuna, rimashkakuna kamachiy sapi yuyaypi killkarishka kan nirka, chaykunami kamachiy killkakkuna allita rikushka allichinka, mushuk yuyaykuna ashtawan yaykurishpa katin, chaykuna nikikunata allichinkapa achkata yanapan, chaykunawan ña kallari atinakuypak kamachiy killkarinka nirka.
JLVN/eg/jc-kichwa
