Wiñaykawsayta katimushpa chusku warmimi Premio Nobel de Química kamarita chaskirka.
Shuk Israelí llaktamanta Ada Yonath amawta karka, paymi kunan tutamanta Elizabeth Cabezas, Ecuador llaktamanta Mamallakta Tantanakuy pushakwan tantarirka.
Kay tantaripi Embajador de Israel en Ecuador, Edwin Yabo kamachik karka, tawka rimaykunata charirka, Ecuador llaktawan, Israel llaktawan amawta yachayta, sumakruray yachayta riksichirka.
Kay “Maykuna paypak kawsayta Allpapachapak alli kachun mitachi llankayta kushkata riksishpa Mamallakta Tantanakuy rikrata chakatashpa mana sakirinkachu”, mama Elizabeth Cabezas rimarka, shamuk punchakuna Mamallakta Tantanakuypi amawtata paypak sinchi llankayta rurashkamanta riksishun nirka.
Ñami Mamallaktapura amawta llankayta rurankapa shuk tantari rurashka tiyan nishpa rimarka. Kay Yonath yachay amawta yachayta tankankapa ñami allichirishka kan, chayka mushuk llankayta, sumakrurayta pushankapa, kullki wiñarichun llankayta pushanka alli kanka nirka.
Yanapay maymutsuri
Kay Premio Nobel de Química amawta, Universidad Politécnica de Chimborazo (Espoch) yachanawasi kayashka shamurka, chaypimi Congreso Internacional de Química yachayta kunkapa shamurka “Kay amawta yachaypak, taripayta rurankapa hatun yachaymi kan nirka”, shinami Byron Vaca rimarka, Espoch yachana wasita pushak kani nirka.
Kay Mamallakta kipaman allpapachapi tiyak taripaywasikunaman kuchuyachun shuktak mushuk ñankunata mashkanpa. “Amawta taripayta ruranaka Everest urkuman llukshina shinami kan, ribosoma taripayta rurashka kipami shina rikurkani nirka, kushiyaywan pawarkani, kay Premio Nobel kamarita hapishpa yallita kushiyarkani, rikchaymuskuk, yankayuyayuk hamiwarka, ñukapak kuchuman shamurka, shuk runami kani, riksishka kana kuyaymi kani”, Ada rimarka.
MC/pv/jc-kichwa
