Shinami Comisión Ocasional Aampetra, kamachiy killkak Silvia Salgado Andrade pushashka rikurin.
Mamallakta Tantanakuy hatun llakikunata rikushpa 11 puncha, Wayru killa, 2017 watapi llakikunata taripashpas kastinkapa arinirka.
Chaypimi kay Aampetra tantari kari wawakunata, imillakunata llakichikta yumashka wanachina riman, llakirishkapak ayllukunawan yanaparina nirka.
Chaymantami Ministerio de Educación rikunata charin, chay Función Judicial kamachikuna rikunata charin nirka, kipaman mayhan llakichishkata rikushpa kamay wanachiyta, wichkana wasiman supaychayta ruranata ushan nirka. Tuylla awllikkuna, kishpiychikkuna, mana taripashka, mana wanachishkamanta huchata aparin nirka.
Mamallaktapak kamachikkuna huchachina, paykunami imashina llakikuna rikurishkata willana karka nishpa kamin, sapan llakichishkakuna willashkata killkashka willaykunata chayachina karka, chaytami mana rutashka nishpa Aampetra tantari kaparin.
Shinallatak Vaticano kamaywasita, Ministerio de Relaciones Exteriores kamaywasita, Mamallakta Convención de Derechos del Niño tantayriman yaykurishka shina, llakichishka kari warmi, wawakuna imillakuna imashina paykunapak llakita riksichishka hawa willashkata chayachichun mañarka.
Ashtawankarin Fiscalía General kamachik riksichinata charin nirka. Ecuador llaktapak kamachiywan katishpa llakikunata harkana, anchuchina, allichina karka, chay llakikuna ama kunkarishka sakirichun rikuna karka riman, chaymi hatun llakikuna harkarinman karka.
J C- kichwa