Ayriwa killapi Municipio de Cuenca kamaywasi, César Cordero kushipataman, Jorge Palacios kamachik allita rikuna nirka.
Payta chay kushipata llakichishpa yumanata munarka nishpa willarka, paypak wawkitapash shinallatak ruranata munan nirka.
Payka mana kawsanata usharka, 30 wata kawsayta kichurka, shina willakka rikischirka.
Chay 10 watamanta ña mana rimarka, tukuy willak wasikuna punkuta wichkakpi upalla sakirirka, kay wata ayriwa killapi paypak llakita riksichirka, kay llakita uyashpa shuktak llakikunapash rikurirka, Cordero kushipatawan llaki rikurirka.
Shinami Para Lourdes Cuesta, kushipatapak makimanta kamarita kichuna nirka, Mamallakta pay kamarita kushkamanta, payllatak kichunata makipi charin nirka. Kushipatata ñami kamarita kichushka, Huayna Capac kamarita, Hermano Miguel kamaritapash kichushka kan . Tawka yachanawasikuna paypak shutita charirka, shuktak shutita churarka, ñawpaman churashka paypak wakatapash anchuchirka.
Llakirishkakunata yuyarishpa
Kay Ecuador llaktapi llakirishka wawakunapak shutita maypi churankapa yuyarirka. Chay Marcelo Alvarado pay llakirishka willakushpa wañurka, paytapash riksina kachun yuyarirkakuna. Payka kanchish wata charikpi llakichishka karka, shinapash 64 watata charishpa wañurka.
“Chay watakunapika llakita katik kamachik mana tiyarka, Marcelo Alvarado shitashka sakirirka, pay kawsakpi llakimanta kishpichik mana tiyarka”, shinami Juan Cristóbal Lloret kamachiy killkak rimarka. Tukuripika Mamallakta Tantanakuy shuk chinikunata upallalla shayarirka.
MC/jc-kichwa
