Kay Comisión de los Derechos de los Trabajadores tantari, chay Servicio Público (Losep) kamachiyta, Código de Trabajo kamachiyta, kay Seguridad Social kamachiyta alichishpa katin.
Chaymanta mushuk kamachiy killkaypi rimashpa katin, chay Consejo de Administración Legislativa (CAL) tantariman mushuk kamachiykunata rikuchishka.
Shinami kallari killakunapi Mamallakta Tantanakuy llankashkata, Liliana Durán Aguilar, tantari pushak willarka.
Chaymanta, Seguridad Social kamachiyka, 65 dólar kullkimanta, 100 kullkiman wichiyachin.kay kullkitami llankaypi payayashka runakuna, pakllapi kawsak tantariman yaykurishka runakuna hapinka, paykunapak tukuri watata kawayta charinka.
Mushuk kamachiy
Mama Liliana Durán Aguilar, chay Código de Trabajo kamachiyta CAL tantariman chayachishkata riman, chay tantari arinichun shuyakun, chayman mushuk yuyaykunata churashpa katinka, chay yuyaykunaka kay kamachiy alli killkarichun achkata yanapanka. Kay Comisión de los Derechos de los Trabajadores tantari, chay Código Orgánico Integral del Trabajo kamachiyta riksichirka, shina yalli ushak kamachiy arinirinka.
Shinami kay mushuk kamachiyka chay Mamallaktapak 24 markakunapi llaktakunawan rimanakuyta charishka kipami killkashka kan. Chaymantami “Llankakkunapak hayñita ukllankapa arinishkami kan”, shinami warmi kamachiy killkak rimarka, llaktakunapak llakikunata kishpiychinkapa achkata yanapanka, kay kamachiyka Mamallaktapak llankakkunata yanapanka, llaki tiyakpi allichichun yanapankapa tumpinka.
RSA/eg/jc-kichwa
