Kay Prevención y Sanción de la Violencia en el Deporte kamachiyta kallari atinakuy

Miércoles, 05 de septiembre del 2018 - 13:12 Imprimir Elaborado por: Sala de prensa

Kamachiy killkakkuna kay Prevención y Sanción de la Violencia en el Deporte kamachiyta kallari atinakuyta pusharka, kay kamachiy pukllaykuna takaykuna, makanakuy tiyakpi kamanka, wanachinka, achuchinka, shina kasiklla pukllaykuna tiyanka nirka.

Pusak 8 kamachiy killkakkuna rimashka kipami, Mamallakta Tantanakuyta kipapushak Carlos Bergmann rimankuyta wichakarka, kamachiy killkakkuna rimashkata Comisión del Derecho a la  Salud tantariman kachachun mañarka, ishkayniki rimankuypi ashtwan allichina nirka.

Shinami chikan chikan llaktay tantarikunamanta kamachiy killkakkuna, kay llakita takashun nishpa yanaparkakuna, takakkuna, kamaywasikunata wanachina, harkana nirka. Ama yapa llakikuna may pukllaypipash tiyachun mañarka.

Pukllaypi takaykuna, waktaykuna tiyakpika chay ñan hatun wanachik kamachikkuna rikushpa harkachun, takakkunata wichna wasiman kachachun mañarka, chay llakita rikushpa mana willakkunatapash huchanina kachun mañarka. 

Shinami Héctor Muñoz kamachiy killkak, kamachiyta atinakuy pacha, pakta runakunapak mana alli yachayta anchuchichun mañarka, allikawsayta mirachichun, mana allikunataka chaypilla sakichun rikuchirka, machaykuna tiyakpimi obesidad, diabetes, presión arterial unkuykuna hatarin, shuktak mashikunata katin nishpa yuyayta kurka.

JLVN/eg/jc-kichwa

 

Av. 6 de Diciembre y Piedrahita · Teléfono: (593)2399 - 1000 | Quito · Ecuador