Kay Tránsito kamachiyta, Código de Organización Territorial kamachiyta allichichun, Kamachiy killkak Karla Cadena Plataformas Informáticas panka tiyachun mañan.
Shinallatak kay mitachitaka uchiwa killu antawapimi nikichun churanka, shuklla shutipash churanka, kipaman tukuykunamn alli sakirinka.
Kamachiy killkak, pankakunata chayachinkapa, willana hillaykunapi rimankapa, Federación Nacional de Operadoras de Transporte en Taxis del Ecuador (Fedotaxis) pushakkunawan tanta karka, paykunami mushuk llankaykunata charirayan.
Kamachiy killkak Cadena, Tránsito, Transporte Terrestre y Seguridad Vial kamachiy alli killkarichun, Disposición General Vigésima nikipi, Plataformas Tecnológicas chay hillaytaka, antawakunata purichinapillami churana nirka.
Paypak yuyaypika, kay llankayta rurankapa, mana kamachiywan arinishka antawakuna purikpika, kiputa kichunka, kay hillayta kichushka kipa, Código Penal kamachiypak, 386 nikiwan wanachishka kanka, shinami shukniki wanachiyta charinka.
Kay Agencia Nacional de Tránsito (ANT) kamaywasi, Agencia Nacional de Regulación y Control de Telecomunicaciones (Arcotel) kamaywasi shukllapi shutichinkapa, antawa kallpayta chapankapa, kamachiykunata churanka, kay plataformas tecnológicas hillayka, 90 puncha yalliman churashka kanka.
Shinallatak Jorge Calderón, Fedotaxis pushak, Karla Cadena kamachiy killkak shamushkamanta, Rosa Orellana kamachiy killkak shamushkamanta achkata yupaycharka, kikinkuna uchilla killu antawanpak mutsuyta hapishkanchik nirka. Shinallatak Código Orgánico de Organización Territorial, Autonomía y Descentralización (Cootad) kamachiy allichirichun mañarka.
LILA/eg/jc-kichwa
