Shinami kallari tantaritaka 09:00 sayllamanta tantarinka, chaypi hayñukunata, purik runakunamanta, kamaymanta rimanka.
Kipaman tantarika 12:00 sayllata tantarinka, chaypi chusku iñukunata rimanka, ista hayllita, ñanmanta, kamarikunamantapash rimanka.
Kaya puncha kallari rimanakuyka kari, warmi wawakuna, imillakunata violencia sexual llakita atinakunaka. Kay rimayllapitak Vaticano llakita rimanka, kay llakikunata, takaykunata sawmankapa kamachiykunawan shayarinka, kallaripi chaskina runakuna hawa rikunka.
Kay rimanakuypillatak Memorándum de Entendimiento entre Ecuador y México para Implementar Mecanismos de Verificación con Fines Migratorios hawa rimanka, kay ista hillaytaka ishkantin Mamallakta, arininakushpa, yuyarinakushpa, makita kushpa sinchiyachinka. Kay Ecuador llakta, México llaktapash allpapachpi rikukpika, kimsaniki llaktakunami kan.
Rimayta tukuchinkapa, llukshik exministro del Interior, Mauro Toscanini yallik hatun kamachik rimashkata mitsarinkapa allichirinka; chay Sucumbíos llakta 12 watayuk wamrata yachanawasi hapishpa shuwakushkta riksishkamantami rimanka.
Chawpi puncha rimanakuypika chay Queens (Nueva York), Phoenix (Arizona) en Estados Unidos llaktapi, chay Alicante en España llaktamanta ista wasikunata anchuchinata rimanka. Chay ista wasikunapi llankak kamachikkunata surkunkapa rikunka, yachaypi hayñikunata charishkata, hatun yachayta hapikuk hampikkunatapash yanapana hawa rimanka.
LILA/eg/jc-kichwa
