Kay Ecuador llaktapak, Mamallakta Tantanakuyta Pushak, Consejo de Administración de ParlAméricas tantaripak kipapushak sakirin.
Payka ParlAmericas ukupimi llankanka, suyupi tiyak Mamallaktakunawan makita kushpa chinkarishka kullkita tarinkapa istallaktakunawan purinka.
Chay “shuway” llaki, kay llaktakumanta anchurichun Mamallaktakuna shuk yuyaytalla charina kanchik, shina shuwakunata katinata ushashun nirka.
Mamallakta Tantanakuyta pushak, Elizabeth Cabezas, purina hayñita anchuchinaka runakunaman hatun llakimi tukun.
Chaymantami llankaykunata kushpa yanapanaka kullki yaykurinata kamaymi kan, runakunapaura kawsayman yaykurinami kan. Mamallaktapura shuk hillayta charinami ancha mutsuy kan, shinami shuwashka kullkita katina kanka.
Mamallakta Tantanakuyta pushak rimashka, ista shuwaykunata takashpa anchuchina achiklla rimaymi karka, tawka Latinoamérica llaktakunata takana yuyaymi kan, kay kullkita shuwaymi runakuna shuktak llaktakunaman richun punkuta paskan, alli kasilla kawsayta, yachayta, hampita, shuktak allita mashkashpa ista llaktaman rin.
Pawkar killapi, Ecuador wasi kanka
Kay ParlAmericas en los Parlamentos Abiertos tantari llankana hawapash rimarka, ashtawankarin alli willayta tarishpa, achiklla kakta rikushpa kullkita shuwayta takankanpa ñakarinatami rimarka, chaymi ParlAmericas Pawkar killapi, 2019 watapi rimanakuyta charichun, Ecuador wasi kanka nirka, ñukanchik llaktami kullki shuwayta rimanka kallaripi kan.
MC/jc-kichwa
