Kay Comisión de los Derechos de los Trabajadores tantariman yaykurishka kamachiy killkakkuna, mushuk Servicio Público y al Código del Trabajo para Prevenir el Acoso Laboral kamachiy imashina paktashkata rikuchirka.
Kay kamachiyka Registro Oficial No. 116 yupaywan, 9 puncha, sasi killa, 2017 watapi llankay kallarirka.
Kay kamachiy imashina llaktakunapi paktashkata Ministro de Trabajo, Raúl Ledesma willachun mañarka.
Shinami Raúl Tello kamachiy killkak, chay Secretaria de Estado kamaywasi, kay rimashka kamachiy kunan punchamanta llankay kallarichun mañarka.
Kay kamachiyta mana riksishkamanta llankachikwan, llankakwan llakikuna tiyan nirka, millak charikkuna, allpayukkuna anchata llakichin, rimarka. Kay kamachiyta mana yachakkunaman yachachina kan nirka, shinami mitachikuna, llankakkunata kamachiywan kaman kan nirka.
Kay kamachiyka llankakkunaman hatun ukllak kamachiymi kan, shinami kamachiy killkakkuna, paykunapak rimanakun patakunapi riksichirka, markakunapi Ministerio de Trabajo kamachikkuna mana riksinchu nirka, tukuysami llankakkuna, mitachikuna paykunapak hayñita kay kamachiywan ukllanka.
Tayta ministro Ledesma, kamachikka, tawka mayta tapushkakunata tikrachirka, 2018 watapak kulla killamanta, kuski killakama suyukunapi sinchita llankakunchik, tukuyka 180 wanaykunami rikurishka, chaymanta 124 llakikuna ña allichishka sakirin nirka, kutin 56 llakikuna allichirinka katikun nishpa willarka.
Tawka yachaykunata llaktakunapi rurankapa ña allichirishka kanchik, shinapasph chay llankayta pushankapa kullki illan nirka. Llaktakunaman willanataka Secretaría de Comunicación kamachikkunami pushakun nirka, ñukanchikpash ankikunapi, llika willaykunapi llaktakunaman riksichinchik, rimarka.
RSA/eg/jc-kichwa
