Kay Superintendencia de Comunicación (Supercom) wasita anchuchina, ñawpa llakta pushak kichushka wasikuanta mintalana shinallatak willachik ayllukunata ukllana, kacharishpa rimanata rikuranami kay Comunicación kamachiy rurarinapak killkapi rikurin, apukkuna shuk niki rimanakuypi riksinapak, kay wanra 25 puncha kuski killa 09:00 pachami 538 niki rimanakuypi paktarinka, kashnami Mamallakta Tantanakuyta pushak, Elizabeth Cabezas Guerrero apuk kayachirka.
Kamachiy rurarina killkapika llaktayuk pakta willachiy charinta, ayllukuna willanakunata, millachishpa willachinata rikuchik killkata, llaktapak willachik antakuna imalla paktanata, llaktapi llakikuna tiyakpi harkanata, kikin llankaymanta harkarishpa rinata, shinallatak willachishpa llanka ayllukunata paykunapak wasi ayllutapash ukllanata, shinallatak linchamiento mediático paktaytapash anchuchinapak rikuchin.
Kay Consejo de Regulación, Desarrollo y Promoción de la Información y Comunicación tantanakuy, kikin llankana wasikunawan, llaktapi rikichik, pushak, rurana, paktana, willayta ruranka kayshina llankak ayllkunata ukllankapak.
Kay llaktayuk kikin willay paktanaka ayllukuna rimanarina, chaypi kana, willachiypi kimirina pampata charinapak yanapanka. Shinallatak, willachishpa ayllupak kawsayta wakllichishka kakpi reparación integral chimpapurayta charinka.
Kallaripi riksinapak killkapi shuktak kimichishka yuyayka llaktapi llakikuna tiyakpi imashinalla willachik antakuna yanapanata riksichinka, shinallatak kaypimi achikllata rikuchin kashna llakikuna tiyakpika ecretaría de Gestión de Riesgos y la Secretaría Nacional de Comunicación wasikunallatami tukuy willayta pakta riksichina kan, ninmi.
Kay Consejo de Regulación, Desarrollo y Promoción de la Información y Comunicación (Cordicom) tantanakuy wiñarinapak, kanchis ayllukunami rimarishpa pakta yuyarishpapish kaypi kana kan, nin.
Shuk niki tantaripika llakta pushaymanta, suyu markamanta, yachana wasikunamanta, runakunami chaypi kanka; shinallatak ishkay niki rimanakuypika llaktapak willachik antakuna, shukllapak antakuna, runa ayllu antakuna, willachishpa llankakkuna, llaktayukmanta ayllukunapashmi chaypi kanka.
Kay kamachiy rurana killkataka Derechos Colectivos Minkarishka ukupimi allichirkakuna.
RSA/pv
