Tukuykuna rimanaka yuyayta pakta rimana, paktarakina yuyaymi runakunapak rimayta tukuykunaman chayachinka.
Shinami Comisión de Derechos Colectivos tantari pushak, Jorge Corozo kamachiy killkak rimarka.
Kay Corte Interamericana de Derechos Humanos kishpiykana rimayta yanapan, tukuy llaktakuna rimayta ankipi, karurikuchikpi, shuktak willay hillaykunapi kachanata yanapan nirka.
Kay Superintendencia de Información y Comunicación (Supercom) kamaywasi paya wiñarishka pachamamata, 2017 watakama, 817 willana katikuy kallarirka.
Chay pachamanta 500 waranka wanay kullkita tantarka, shinallatak 594 wanachiyta, 2013 watamanta, 2016 watakama, 74 % patsakrita, Superintendencia kamaywasi llankarka, shukpaklla willakkunata wanachirka.
Pay, Corozo kamachiy killkak, kawsaypura, tawkasami kawsay willana hayñita tukuy runakuna charina nirka, llaktakuna, runakuna, yanarunakuna, yunkarunakunan rimana hayñita charin, paykunapak rimaypi willanka nirka, chaypi paykunapak pacharikuyta, ñawpayachayta, kawsaytarpuyta 5 % patsakri pachayta rimanka. Shinallatak taripayta, yachayta sapsi hayñi ukupi charinka rimarka.
Kay willaytaka, llankakkuna, tantarikuna, warmikuna, wawakuna, mazhna tukuy runakunami willana hillaypi paypak kawsayta, llankayta, llakita, yachayta, rurayta, raymita, takita rikuchinata charin. Kay katikuykunata Consejo de Regulación, Desarrollo y Promoción de la Información y Comunicación kamaywasimi rikunata charin nirka.
JLVN/eg/jc-kichwa
