Kay ñawirika kimsa pacha yallipimi paktarka, samakuk generales Alonso Espinoza y Rodrigo Bohórque awka runakunami kay antankakunamanta apukkuna taripashkata kutichirka.
Alonso Espinoza, ñawpa Operaciones Aéreas paktayta pushak, kay antankakuna rantishkapi mana ima rikunata charinichu nirka, shinallatak kay antakunata shukllatapash pay llankakushpaka mana chaskirkanichu, nirka.
Shinallatak general Jorge Gabela runawan rimanakuyka allimi karka shinapash llankaypillami rikurikkarkanchik, chimpapuraypash llankaypillami tiyarka. Kay chimpapurayka Tame tantanakuy pushakuypi rikurirka, Gabela runaka Aerogal tantanakuywan tantachina nikpillami yuyaypi waktarirkanchik, nirka.
Espinoza runaka César Rohon apuk kay Dhruv antankakuna wakllirishkachu karka nishpa tapukpika, rotor antapi wakllirishkata rikurini chaymantami kay antankaka awkakunata kutin hapina llankaypi mana pakta pakta karka, kay shina llankaypakka ashtawan kuyuchinalla antakunatami mutsurka nirkami. Espinoza runaka kay Helicópteros antankunaka wakllirishkata rikuchirka, kutinpash rimarishpaka ruraypimi mana allikashka karka, nirka.
Shinallatak general Rodrigo Bohórquez runa, Comité de Contrataciones de la FAE pushashka, Gabela runaka helicópteros Dhruv antankuna rantina mana alli kan, kamaypi mana pakta rikushpa shinallatak antawa mana alli kashkata rantikun nishpa rikuchirka, nirka.
RD/pv
