Hatun kamachik, Elizabeth Cabezas Guerrero, Mamallakta Tantanakuyta pushak, kayna, yañita charik llankakkunawan shuk tantarita charirka.
Chaypimi kay Código Orgánico Integral Penal kamachiyta allichinata, mushukyachinata, runakunaman riksichinata mashkan.
kay kamachiytaka Registro Oficial 180 killkashka kan, chay 10 puncha, pawkar killa, 2014 watapi llankankapa yaykurirka.
Mamallakta Tantanakuyta pushak, tantarishka llankakkunata, yanapakkunata achkata yupaycharka, paykunaka llakita rurakpi imashina wanachinata, huchachinata yachakkunami karka, chay yuyaykunawanmi Código Orgánico Integral Penal kamachiyta allichinkapa achakata yanapanka.
Shinami Mamallakta Tantanakuypak llankayka achka yachaywan, sumakta killkashka rikurinka nirka, kamachiywan llankakkunapak sumak yayaykunawan yanapashkami shina may alli kamachiymi killkarinka nirka, kay kamachiypi panta yuyaykunata allichiskawan pantakuna llukshinka, kay Código kamachiypi pantaymi mana alli paktachichun harkashka rikurin.
Kay rimanakuymanka: Miguel Angel Núñez Paz, catedrático de Derecho de la Universidad de Huelva yachak; Javier Fernández Teruelo, profesor de Derecho Penal de la Universidad de Oviedo yachak; Miguel Angel Souto, Derecho Penal de la Universidad de Santiago de Compostela yachak; Miguel Díaz y García Conlledo, Universidad de León yachak; Beatriz Rodríguez, Eliana Alba Zurita kamachiyyachakkuna, Ricardo Reyes, Fiscalía General del Estado kamachik shamurka. Shinami alli rimanakuykuna tiyarka.
RD/pv/jc-kichwa
