Kamachik Elizabeth Cabezas Guerrero, Mamallakta Tantanakuyta pushak, chay Carchi markapi achka llankayta paktachirka, payka chayman kayashka karka.
Chaypi Montúfar kiti, 113 wata wiñarishkata yuyarishpa raymirka. Chaypimi tantarikuna, runakuna, kamachikkuna, llaktakuna raymirka.
Shinami, kushiyarka, kay aknayka Teatro Municipal de la ciudad de San Gabriel wasipi pusharirka, chayman achka warmi, kari, wawakuna riksinkapa chayarka.
Shinami Mamallakta Tantanakuyta pushak tukuylla llankaymanta rimarka, chay llaktapi kawsak pachamamata, runakunatapash mishki rimaywan hanaparka.
Chay Montúfar kiti, tawka watakunamanta washamanta llankashpa shamushkamanta riksirka. Kay llaktapak runakuna, tantarishpa, minkata rurashpa shinchi llankashkata yacharka.
Mamallakta Tantanakuypak sumaykayta kutintak charina hawa rimarka, Mamallakta shuwa kamachikkunata mana charina kan nirka. Chay Carchi markapi achka tarpuykuna tiyashkatapash riksirka, kaykuna runakunaman kullkita, mikunata, charinata apamun, rimarka. Kay llaktapi llankak kamachikkunaman yanapankapa arinirka.
Mushukyay rikuri
Kay Juan Acosta, San Gabriel kitikamachik, Mamallakta Tantanakuy alli llankayta rikushka hawa alli ñawiwan chaskirka, Mamallaktapak alli kan nirka. “Mamallakta Tantanakuy llankaywan paktashkata riksichirka, runakunapak shunkuman yaykurin, tukuy Mamallakta mushukyan”, rimatrka.
MC/pv/jc-kichwa
