Mamallakta Tantanakuypak 539 niki rimanakuypi pichka niki llankanatami churashka, kashnami Mamallakta Tatanakuyta pushak, Elizabeth Cabezas Guerrero apukka wanra 2 puncha wayru killa, 09:00 pacha tutamantapak kayachirka.
Kay rimanakuypimi Esteban Bernal apuk mañashka killkata riksinkakuna, kay killkapika Centro de Rehabilitación Social Femenino Prioritario de Quito wichkana wasipi 25 puncha kuski killa rikurishkata riksinka , kay ruraykunapika Sofía Espín apukmi rikunata charin.
Chaykipaka, Mamallakta Tantanakuypi llankak apukkunaka Paola Vintimilla apuk mañashkata rimanakunka, imashina Julián Assange runa ñukanchik llakta ayllu shutichishkamanta rimanakunka. Shinallatak kay 14 puncha kuski killata Día Nacional de la Gestión Comunitaria del Agua yuyarina puncha nishpa shutichinapak killkatapash rimanakunka.
Shinallatak kay Consejo de la Judicatura de Transición runakunata Mamallakta Tantanakuypak Fiscalización y Control Político minkarishkaman kayachinapak shuk yuyarinakushka killkata rimanakunka, puchukay llankaypi imalla paktashkata riksichinka. Shinallatak puchukaypika, Código Orgánico General de Procesos kamachiy mushukyachinapak killkata ishkay niki rimanakuypi riksinkakuna.
JLVN/pv
