Kay Comisión de Participación Ciudadana tantari, Lenín Moreno, Mamallakta Pushakta, Unidad Nacional de Almacenamiento (UNA EP) kulkapi wakaychishka llaruta kanchaman katuchun mañarka.
Man kashpaka, kanchaman kallaripi churashpa katuchun, shina pakllapi tarpukkunaman yanapayta chayachina nishpa riksichirka.
Kay 2014 watamanta, llaruta kulkawasipi wakaychishpa charina mana alli kanchu nirka.
Chay Guayas markapi, Los Ríos markapi llaruta tarpukkuna hatun llaki tukushka nirka, chayka 90% patsakrimi Mamallakta kapukyayta wakllichishka rimarka.
Shinallatak, Contraloría General del Estado kamaywasi runakamachiywan, kamaywan huchata apachinka, chaypi llankak awllikkunaman huchata apachina, Mamallakta mashnakutin llakita rurashkata paykuna allichichun shitapana nirka.
Shinallatak, pakllapi kawsak, llaruta tarpukuna Unidad Nacional de Almacenamiento wasiman kapukta Mamallakta Pushak katuchichun mañarka, katushkamanta kishpiyrishka kullkita hapichun, mana kashpaka manuta charishkaman kullkita yallichichun, shuti pankata hapichun nirka, mayhan tukuylla kamaywasiman kunka, uchilla pukuchikkunaman kunka, charikkuna kaytaka mana hapinkachu nirka.
JLVN/pv/jc-kichwa
