Kunan chishi Mamallakta Tantanakuyta pushak Elizabeth Cabezas apuk Cuenca kiti pushak Marcelo Cabrera runawan rimanakurka, pay runaka Andrea Arteaga kay Empresa Municipal de Aseo de Cuenca (EMAC) tantanakuyta pushakwan chayamurka, paykunaka kay Orgánica del Servicio Público de Energía Eléctrica kamachiypak 60 niki killkata mushukyachinata utkachun mañaytami chayachirka.
Kiti pushakka nirkami, EMAC tantari kunanpi paktayta charishpa katichun shinallatak shamuk pachakunapi ashtawan mirachunmi munanchik nirka. “Rumimapakunata chuyayachishpa katinapak Zirma wasi kullki tantachinapi kimirishpa kullki tantachiy katichunmi mañarka”. Nishpaka, Zirma wasi tantachina kullkipi mapakuna tantachina kullkitapash chaskishpa katinami kan, nirka.
Ishkay niki rimanakuyka ñami punkullapi.
Marcelo Cabrera runaka Mamallakta Tantanakuy utkashpa kay rimanakuyta paktachun munanchik, nirkami, Cuenca llakta ayllukunaka kay yuyayta utkashpa allichichunmi shuyakun, nirka.
Mamallakta Tantanakuyta pushakka, kay rimanakuy katikunmi shinaka ishkay nikipi apukkuna riksinapak killkata allichikunchik, shamuk punchakunami kamu killkata ña chaskishun. Cuenca llaktaman kay 3 puncha sasi killa chayanapakpash arinirka, kaypimi 198 watakuna Azuay markapak kiti paktashkata raymishun, nirka.
MC/pv
