Kay Rafael Estrella, Consejo Nacional Electoral (CNE) awllik, kay Código de la Democracia kamachiyta allichina hawa, D´Hont akllayñanta anchuchina riman, Webster akllarina ñanta rikuchichun mañan, uchilla llaktay tantarita yanapanka willan.
Kunanpika Mamallakta kamachiy killkak kachun, akllarikkunata yupay Webster ñanwan akllanchik nirka.
Shnallatak marka kamachiy killkak kachunka D´Hont ñanwan akllarin, shina akllashpami Mamallakta Tantanakuyman uchilla llaktay tantarikuna rimayta charichun yanapan, arininata ushan, kay akllana ñanka mashna apuchikuna kashkata panta willan nirka.
Kay hawa rimak kamachikkuna, mashna apuchi patsakrita rikuchinka, mana pakta kakta willan, kay Webster akllayñanmi uchilla llaktay tantarikuna tiyarichun, mashna kachun yanapan nirka. Mamakamachiypak 116 nikipi rikuchin, kay hapishpa kamachiy alli apuchikunata kallaripi churanka, apuchikuna pakta pakta sakirinka, kari warmi chimpapura llankayman yaykurinka. Akllana kuskakunata Mamallaktapi, istallaktapi churanka.
Kamachik, Rafael Estrella, llakta ushay allita katichun, ñaka rimashka akllay ñanta ñapash allichina kanchik, akllarishka kamachikkuna pakta pakta apuchikunata rakishpa llankayman yaykurichun, shina kipaman paypura ama takarichun yanapanka nirka.
JLVN/eg/jc-kichwa
