Chay Facultad de Jurisprudencia de la Universidad Central yachakukkuna, Mamallakta Tantanakuyman chayamurka.
Kay kamaywasi imashina llankakta riksinkapa, imashina kamachiyta killkakta riksinkapa shamurka.
Shinami, 100 yachakukkunaka chikan chikan minkashkakuna imashina llankakta riksinkapa, kamachiykunata imashina mushuyachikta riksinkapa chayamurka, kamahiykunaka suyupi kawsak runakunapak, Mamallaktapak mutsuykunata riksishpami chayamurka.
Tayta Edwin Argoti, Yachaywasipi yachachik, yachakukkunaman imashina kamachiywan llankanata yachachin nirka, kipaman paykuna yachayniyuy kashpa allita llankachun yanapanka nirka.
Chaymantami, kay Mamallaktaman riksinkapa, yachankapa shamukkunaka 5.000 runakunaman sapan wata chayan nirka, Mamallakta Tantarina hatun ukuta, minkashkakuna tantarina ukuta, shuyumaruta, chay l Salón José Mejía Lequerica ukuta, kay Archivo – Biblioteca ukuta riksinkuna nirka.
Riksinaka, Luis Mideros Almeida yachak rumishuyuta rurashkamanta kallarin, kay rumika kay hatun wasiman yaykurina punkupimi kan nirka, kay kuskaka “Síntesis de la Patria” shutitami charin, kay rumishuyuka 560 pakikunatami charin, 54 tupu suniman, 5.4 tupu hawaman kan, .ishkay hatun milkapi rakirishkami kan.
Maypi 137 kamachiy killkakkuna tantarina ukumi yallita riksina uku kan, kaypimi “Mural de la Patria” taririn, kaytaka, uku yuyayta, wallpa, tullpu, unancha tiyan, ñami 30 rurashka kan, kaytaka amawta Oswaldo Guayasamín rurashkami kan.
RD/pv/jc-kichwa
