Mamallakta Tantankuy Corte Constitucional kamachikkunata akllachun 61 apuchiwan shuk Minkashkata churarka.
Paykunaka: Amanda Mireya Páez Moreno; Percival Gustavo Rodríguez Fajardo; Vanesa Alejandra Aguirre Guzmán, Héctor Rojas Vaca kamachiy killkakkuna yaykurirka, paykuna akllankapa shutikunata hapirka.
Kay akllaykunaka, Julio César Trujillo, presidente del Consejo de Participación Ciudadana y Control Social Transitorio kamachik mañashkata paktachirka, chaymanta pichka punchakama shutikunata chayachichun riksichirka, kari warmi runakunapak shutita chayachinka.
Shinami Mamakamachiypak, 434 nikipi rimashkata paktachinka, shinami Corte Constitucional kamachikkunata akllashpa tiyachinka, sapan ishkay runakunami Mamallakta Tantanakuymanta shamunka, Mamallakta Pushakmanta, Transparencia y Control Social tantarimanta shamunka.
Kamachiy killkak, César Litardo, tukuykuna shuk yuyaylla kankapa yuyarirkanchik nirka, chaymanta Ecuador llaktamanta ishkay kari, warmikunapak shutita hapinka, sapan runakuna kikin pankakunta chayachinka. Mamallaktapak markakunapi akllarinkapa paktapakta shutikuna tiyan nirka.
Imashinami Amanda Mireya Páez Moreno kamachiy yachak kan, Universidad Central del Ecuador (1976) yachaywasimanta shamun. Chay Elaboración de Normas Jurídicas de la Universidad de Buenos Aires yachayta charin; Práctica Jurídica yachay hawa Universidad Nacional de Educación a Distancia yachana wasipi llankashka. 23 wata llankayta charin, Tribunal Contencioso Electoral llankayta 2008 watamanta, 2011, 2013; watakunamanta charin, Electoral de Comisión Jurídica del Tribunal Supremo Electoral llankaypi 2007 watamanta, 2008 watakama charin, shinami sapan akllarinakuna kinkin llankashka pankakunata charin.
RSA/eg/jc-kichwa
