Kay Lenín Moreno, Mamallakta Pushak; María Alejandra Vicuña, Mamallakta Kipapushak; Elizabeth Cabezas, Mamallakta Tantanakuyta pushak, Jaime Nebot, Guayaquil Kitipushak, paykunami 198 watapi Guayaquil llakta kishpiyrishkamanta chaypi karka.
Chaypimi kamachiy killkak, kamachikkuna, kushipakuna, yachakukkuna, antawa purichikkuna, llankak pushakkuna, katukkuna, kanchaman katukkuna, Guayaquil kitimanta runakunapash chaypi karka.
Mamallakta Tantanakuy chay Cuerpo de Bomberos de Guayaquil kamaywasiman, paykuna sinchi llankayta charishkamanta shuk yuyarita kurka .
Chay Guayaquil llakta aknaypi, Mamallakta Tantanakuyta pushak chay llakta, 1820 watapi kishpiyrishka hawa rimarka, chaywan Ecuador llakta wiñarishka nirka. Shina runakunaman riksichirka”. Kay 1896 watapi Guayaquil llakta rurashkatapash rimarka, uchpamanta kutin wiñarishkata willarka,
chay e Guayaquil wiñarishka
Chay Jaime Nebot, Guayaquil kiti pushak, pay llankashka watakunata hawa riksichirka, kay Guayaquil llakta kishpiyrishka kashpa, Ecuador llaktapashk kishpiyrishka kanka nirka. “ runakunata mitachina, alli shunkuta charichun, kuyayta charichun yanapan nirka, Guayaquil llaktapi kawsakkuna shuk hatun ayllumi kan nirka, hatun kamachik kullkiwan yanapashkatapsh riksichirka.
MC/pv/jc-kichwa
