Chay Noralma Zambrano (AP), Ana Galarza (Creo), Eliseo Azuero (Independiente) Kamachiy killkak, kunan Comisión Multipartidista tantarita chuararka.
Paykuna Norma Vallejo kamachiy killkakpak huchata katinka, 82 kamachiy killkakkuna huchata katichun yanaprka.
Kay wanaypi, kamachiy killkak tawka huchakunata charishka nishpami rikuchin, chay huchakunata kuyurik shuyupimi rikushka, chayka willak llikapimi rikurishka, kay llakitaka 10 punchata yupapshpami riksichinka.
Kay Consejo de Administración Legislativa (CAL) rimashkata rikushpa, kay Minkashka kamachiy killkakkunaka nimanatapash mana willayta chayachinkachu, kamachiy killkak mana huchachishkata harkashkachu, chaymanta kimsa punchapi harkayta churanka. Kamachiy killkakpak manarak apuchikpi, paypak rimayta uyashka kanka.
Shinami Vallejo kamachiy killkak, manarak minkashkata churakpi ñami harkarka. Chay kuyurikshuyuka panta hapishkami kan nirka, yanka huchachikun, shina llullashpa ñukata llapinatami munankuna nirka, paykuna munashkata mana uyarkani, chaymantami shina llakichin nirka.
Chaynmanta mana samarina punchata mañashachu nirka. Tuysami huchachinata katichunlla, paktakaymi rikunata charin, willayllkapilla mana rikuchinata charinchun nirka, ñukapak ayllu hayñita ukllankapa tukuy paktakay kamachikman risha nirka.
LILA/pv/jc-kichwa
