Chay Comisión de Biodiversidad, chay Wilson Robles, Diego Moya de la empresa VIBAG C.A awllikkunata chaskirka.
Shinallatak Jeremy Guidon de la empresa Bertin Technologies awllikta, paykuna unkuchik kupakuna hawa rimarka, uchilla kunuchikta Organización Mundial de Salud yanapaywan rimarka.
Shinallatak, Jeremy Guidón awllik, unkushka jeringas hillaykuna, 21 hunu rukunata, hepatitis B unkuywan unkuchirka nishpa willan, ishkay hunu hepatitis C unkuywan unkurka, shinallatak 260 waranka runakuna VIH unkuywan allpapachapi unkurka. Kay Ecuador llaktapi 10 hunu mapa hillaykuna shitashka sirin nishpa willarka.
Chay sinchi mapakunata tantashkachik, shinapash maypipash kachun shitashka kan, chayka wayrata, uchpamanta puchuta mapayachin. Wakashka hillaykunaka dioxinas unkuyta churan, chaytami ama mirarichun kamana kanchik nirka.
Paymanta Wilson Robles awllik, Mamakamachiypak 15 nikipi Mamallaktami, sumakruray yachaykunawan pachamama chuyalla kachun rikunata charin nirka, chuya wayrata, yakuta, pampata charinata mana mapayachishpalla charina, unkuywan ama waktachun rikunata charin nirka kan.
JLVN/pv/jc-kichwa
