Mamallakta Tantanakuy kamachiy killkakkuna hunta tantarishpa llaktakuna yuyarichun“Mes de la Lucha Contra el Cáncer de Mama”, wayru killata shutiwan churan, unkuy chawchayta tarinkapa nirka.
Shinami arinishkawan Mamallakta Hatun Kamachik tukuylla llaktay kachun kamanka.
Kay Secretaría de Educación Superior kamaywasita kamana illan, Hampimanta yachachik wasi, chay oncología hatun yachayta churanka.
Chayman kay hawa yachakkuna yaykurinaka, kay cáncer de mama unkuyta charik warmikuna anchata nanarin.
Kunan, 19 puncha, wayru killa “Día Mundial de la Lucha Contra el Cáncer” puncha kan. Kamachiy killkak Poly Ugarte, kay mushuk yuyarita churarka, allikawsaymi runakunapak hatun yachay kan. Kay cáncer de mama unkuytaka Mamallaktami rikunata charin, manarak yapa unkuy tiyakpi alli hampina.
Kay Ecuador llaktapika apankara unkuyta charik warmikunaka achkami kawsan, wakinkuna hampikuna illakpi hatun llakita charin, kay 2017 watapika, 2.700 waranka hunu kullkimi kay unkuyta hampinkapa tiyarka, chaymanta 63% hampina wasikunata allichinka churarka, kanchis hunutallami hampipak churarka.
Kamachiy killkak María Mercedes Cuesta, pay yachashkata tukuykuman riksichirka, payka imashinami cáncer de mama unkuywan warmikuna nanarishkatami riksichirka, payka wamra kashkpa, manarak anchayashpa kikinllatak hampirishpami kawsarirkani nirka, radioterapia, quimioterapia hampikunawan alliyarkani, rimarka
JLVN/pv/jc-kichwa
