Kay Comisión Multipartidista tantari kamachiy yachakta, huchata rikuchikta uyarka.
Yanka kullkita hapishka hawa Norma Vallejo kamachiy killkak imashina kay llaki kashkata riksichirka.
Shillatak, kaypi huchachikkuna churashka shuyupi rimarka, kamachiy yachakkuna uyankapa shamurka, kipama paykunapash rimayta charirka.
Kunan puncha, Norma Vallejo kamachiy killkak rimankapa shamun karka, chaypak ranti shuk killkawan mana chaypi kanata riksichirka. Shinallatak, Ministro de Trabajo, Raúl Ledesma kamachikta kayarka, paypash kayashkaman mana chayamurka.
Kay warmi kamachiy killkak, mana kayman shamunata riksishpa, kamachiy killkak Eliseo Azuero kayta riksirka, kay Comisión Multipartidista tantarita pushak, kay llaki achikyankakama katikuyta katichun nirka, mana kayashkaman chayakpi, kimsa punchata shuyanka, shinami kamachiy riman.
Warmi kamachiy killkak, Mamakamachiypak 77 nikipi hapirishpa mana kayashkaman shamuna nirka, taripashpa yanka huchapi urmachinata mancharka, kaytallatak Fiscalía General kamaywasipi huchata taripashpa katin.
Mama, Vallejo kamachiy killkak, Ana Galarza kamachiy killkakpash mana shamuchun harkarka, payka tantariman yaykurishkami kan, pay mañashka mana chaskishka karka, shinapash minkashkakuna llakita taripashpa katin, Azuero rimarka. Kay willaykunata Mamallakta Tantanakuyman riksichinka.
LILA/pv/jc-kichwa
