Chay Ministerio de Transporte kamachik, Comisión del Desarrollo Económico tantariman shamunka.
Chaypi Fomento Productivo kamachiy paktashkata rikunka. Shinallatak Superintendente de Bancos subrogante, Juan Carlos Novoa kamachik shamunka.
Kay Kamachiyka 21 puncha, karwa killamanta llankamun, chaypimi antawa sinkushkamanta, antawata charishkamanta kullkita mana kushkamanta kamachiyta wawakullkita, yapa apachishka, wanaykullkita chayachinamanta washayashkata riksichinaka.
Kay Secretaría de Estado kamaywasimanta kachashka, chaymanta Agencia Nacional de Tránsito kamaywasi washayashka kullkita kuchun mañanka, shinami 2 punchamanta, ayriwa killa 2018 watapi mana kushkata paktachinka. Kamachiypi rikuchishka shina, antawata mawkayachikkuna 90 punchakama wanay mamakullkita kunata charin.
Chay Tránsito Hatun Kamachiy rimashka shina mitapillatak, wanachishka kullkipak 2 % patsakri kullkita kuchinka, chay kullkika kamachiyta pakishkamanta, chay 2 punchamanta, ayriwa killa, kay watapi mana kushkata kuchinka, wanachishkapash 90 punchakama chayachina kan.
Washayashka kullkika, antawata charishkamanata kullkita mana kushkatapasmi yaykuchinka, chay churashka wawakullkitaka Servicio de Rentas Internas (SRI) kamaywasimi kamamushka kan, wawakullkita mana kushkamanta, yapa kullki mirarishkatapash kuchinka.
LILA/eg/jc-kichwa
