Mushuk Universidad del Río, Guayaquil llaktapi wiñarichunka Mamallakta Tantanakuyta pushak, Elizabeth Cabezas churashkami kan.
Kay 2015 watapimi chay Consejo de Educación Superior (CES) kamaywasiman yaykurirka.
Kay Fundación Nicasio Safadi kamaywasi, Pontificia Universidad Católica de Valparaíso de Chile kamaywasi yanapakta riksinchik.
Kay CES, el Consejo de Aseguramiento de la Calidad de la Educación Superior kamaywasi, Secretaría Nacional de Planificación y Desarrollo (Senplades) kamaywasi, hatun yachanawasi wiñari pankakunata, alli mana alli kak mutsuykunata rikurka, shinami Mamakamachiy, kamachiy kachashkata rikushpa, maypi kay yachanawasi tiyarinata, alli kan nishpa arinirka.
Shinami yachaykuna, imanik sumakruraykuna, amawta yachaykuna kallari atinakuypak willayta wallpankapa arinirka, kayta rikushpa Comisión de Educación, Cultura, Ciencia y Tecnología tantari 9 apuchiwan kayta yanapashpa arinirka.
Shinami Silvia Salgado kamachiy killkak, kay mañayta rikushka kipa, tukuy katikuykuna achikllami kan nirka, tukuy kay yachanawasi wiñarichun sinchita llankamukkunami tantarikunapi, yachaykunapi atinakushpa, yuyarishpa, allichishpa kay punchakama chayamurka.
Kay Carmita Álvarez, del CES kamachik, Universidad del Río yachanawasika, Guayaquil llaktapak, 2 hunu, 800 waranka runakunata killpanka nirka, 700 hunumi, 18 wata yallita charin. Mushuk yachaykunatami charin, Mamallaktapak mushuk llankaykunata ruranaman, llankayñan paktana yuyayman kimirinka. Chayka: pachamama yachay, software yachay, antanka purina, ista mintalay, shuyu wallpay, kullkimanta, katuna pampamanta kanka.
MG/pv/jc-kichwa
