“Sumaychay kamachikmi kani, shinapash Mamallakta Tantakuypak hatun kamachikta sumaychanatami charini. Mamallakta Tantanakuy pakpak llankayta allichina pachapimi kanchik, kunan pachami llakikunata allichina pacha kan”, nirka.
Shinami Radio Visión hillaypi, kunan tutamanta Elizabeth Cabezas rimarka, tukuy llaktakunaman, runakunaman riksichirka.
Fernando Alvarado mitikushka
Yallik watapak Hatun kamachikpak hatun willak mitikushka, kunan maypi kakta riksinarayku, imashina mitikushkata utkashpa riksinami alli kan. Shinami Mamallakta Tantanakuyka arinirka.
Chay llakita riksik kamachikkuna kunan 14:00, sayllamantami riksichinka, chaypimi kimsa kamachikkuna rimayta charinka, kayman: Rosana Alvarado, Paúl Granda, Ledy Zúñiga kamachikkuna shamunka, paykuna riksishkata rimanka.
Kamachik, Elizabeth Cabezas, Mamallakta Tantanakuyta pushak, shuk wichkaaa wasipi kak runa, payka mañi imashina hihita paskanata yacharka, chayka hihi hillay mana alli kashkatami rikuchin, kamachikkunapash mana alli kakta, mana riksishkatami rikuchin nirka.
Ruraykuna arinishkakuna
Mamallakta Tantanakuyta pushak, Mamallakta llakita kawsakukta riksichirka, chaymanta sinchita arinishpa llankanata rimarka. “Llaktayukkunapak mañaytami, alli runakuna kay llakiman yaykurishkata allichina sinchi llankay rikurin nirka”, nirka. Kay llakita taripankapa utkami kallarina kan, chaymi shuktak llakikuna mana mirarinka nirka.
MC/pv/jc-kichwa
