Kay Comisión del Desarrollo Económico tantari, chay César Rohón kamachiy rimashkata chaskin.
Chaywan Consejo de Administración Legislativa (CAL) arinichun mañan, payka kay Aviación Civil kamachiyta allichichun mañarka, shina alli kamachiy tukunka.
Kamachiy killkak Ximena Peña, Rohón kamachiy killkakkuna mushukyachinata hapishpa chay mañayta rurana, ishkantin kamachiy killkak mañashka chikan, chikanmi kan nirka, shinapash kamachiyta allichishpaka Mamallakta yanapanka nirka.
Kay kamachiyta mushukyachinapi rikukpika, antanka purina ama walin kachun mañan, kay mushukyachinapika yapa kullkita charinatami rikuchin, shuktak mañaypika kayta mana charinchu. Chay Galápagos, Quito, Cuenca, Manta llaktaman antanka pawashpa, yapa kullkita hapinka, chaymanta Loja, Latacunga, Machala llaktakunaman pawaykuna asha asha sakirichun nirka.
Chay chárter pawaykuna, achkata mirarishka, chay pawaykuna purik runakunata mana alli kamanchu, wakinpika hatarina pachamanta washayan, wakinpika pawana punchata rikushpa kipaman, shuktak puncha pawan, shina purikkunata llakichin. Wakin punchakuna llankashpa, kipamanka chinkarin, chay antankapi llankakkunaman mana hiniti llankayta kun nirka.
Kutin, César Rohón kamachiy killkakpak yuyaypika, chay Junta Investigadora de Accidentes Aéreos (JIA) tantarita sinchiyachina yuyay kan, kay Ecuador yuyarishka Anexo 13 del Convenio de Chicago killkakta paktachina nirka, shina chay llakikuna chaypilla samarinka.
Kay JIA tantari llukshichun mañan, shinallatak (Dirección de Aviación Civil ) hatun kamachik ukupi kachun mañan, kay ukupi llankak, kamak kamachik kachun mañarka, kunapika Ministerio de Transporte y Obras Públicas kamaywasimi pushakun nirka.
LILA/jc-kichwa
