Yallik willak kamachik Fernando Alvarado yapa mashkashka kakun, shinami Ministra del Interior kamachik rimarka.
Payka “Chakipi hihita kanichishka karka, shinami pay huchata charishkata taripayta rurankakama sakishka karka”.
Shinami kay Interior, María Paula Romo kamachik, Mamallakta Tantanakuypi willarka, chayka kamachiy killkakkuna chay yuyayta yanaparka.
Kamachikkuna ishkaykutin rimaypi Fernando Alvarado, Secretaria de Estado paypak mashi, General de Policía, Nelson Villegas Ubillús kamachikkunantin karka, tawka chapakkunapash Mamallakta Tantanakuy awlliman chayashpa yanaparka.
Kamachik Romo, Alvarado Espinel, Mamallaktamanta ama llukshichun kamachiywan harkashkata pakirka, paytaka chapakkuna mana kamashka karka, kamaywasika chay ECU 911 willak imashina llankakta rikunkapa, kamachiy arinishkata mana charirkachu. Chaymi shina mitikuchishka rikurin.
Yallik, Alvarado kamachikta chapanaka, Ministerio de Justicia kamaywasipak makipimi karka, shinami shuktak kamachikkunapash riman. Shinapash 20 puncha, wayru killapi hihi wakakpika, Comandante de Policía kamachikkuna macharishpa mashkay kallarirka. Shinapash chay hihi hillayka shitashkami tarirka.
RD/eg/jc-kichwa
