Kamachiy killka Mae Montaño, exprocurador del Estado, Diego García kamachikta wanachinkapa mañashka kan.
Chay kakpi, Comisión de Fiscalización tantaripi paypak hayñita ukllarka, kay tantarita María José Carrión pushan.
Kay wanachinapi chikan chikan mita, watakunapimi rikuchin, wakin mitaka ñami yallishka watakuna kan.
Shuktak yallik kamachikkunami huchata rurashka, chayta ñuka mana aparishachu kamachik rimarka, ñami chay watakuna yallirka, wanachina watakunaka, 18 kulla killa, 2015 watamanta, 31puncha, kulla killa, 2018 watakaman wanachina kan.
“Ñukapak rimayka, Procuraduría General del Estado kamachiypi hapirishpami shina rimarka, kay llakiman yaykurishka runakunatami riksichichun kayashka kan, Consejo de Participación Ciudadanaa kamaywasita, Consejo Nacional Electoral kamaywasita, shuktakkunatapash kayashka kan; mana alli willayta riksichishka kakpika Corte Constitucional kamaywasiman kuchuyanata usharinka”, kamachik rimarka.
Mana Procurador kamachik, pay kachashka kamachik, yallik Mamallakta Kipapuchak Jorge Glas, yanka huchachikpi, Mamallaktapak llakita mana allichina sakirinka, chaytami García, mayhanpash Procuraduría kamachikta yanka wanachinata, munashpapash mana ushankachu nirka.
Shinami, kachashka kipaman chayakpi, kaytapash mana washamana sakinachu kan nirka. “Kay pinkanayay rikurikuna tiyakpipash Mamallakta wanaywan katinata ushanmi, huchachinata ushanmi” rimarka.
Kay Hidropastaza llankakwasiwan, Odebrecht llankakwasiwan chay San Francisco, kay Hidropastaza llankaywasi, pushashka rimaykunata allita rimashka hawa riksinka, shinallatak Contraloría Odebrecht Ishkaykutin rimaypika, kaypika imashina llakikunata allichinata yachanchik nirka, shinami mana kullkita kukpi charishkakunata kichunka, ashtawankarin Chevron llakichita Antisuyupi rurarka nishpa”, yapa rimarka
EG/vs/jc-kichwa
