Mamallakta Tantanakuy, kay llika, 13 puncha, 16:00, sayllata rimanakuyta charinka, chaypi imashina llaki kashkata riksinka.
Chay tantaripi Comisión Multipartidista tantari, Sofía Espín Reyes, Norma Vallejo kamachiy killkakkunapak huchakunata rimanka, kaypi llakita imashina allichinata rikunka.
Kay killa, sarun 8 puncha, kamachiy killkakkuna, chay Comisión Ocasional Multipartidista Espín kamachiy killkakpak llakita taripashkata willarka, chay punchami llankaymanta surkuna nirka, paypak kamachiyta panta rurashka nishpami wanachinata riman. Kamachiy killkak Espín a Diana Falcón, chay Fernando Balda runapak llakita riksik wichnawasipi kakwan, rimayta charishka nishpa wanachinata riman.
Mamallakta Tantanakuy, huchata charik willashkatapash uyarka, kipaman chay willayta uyashpa panta huchachichunchik shina rikurin nirka, kamachiy rikuchishka mana alli hapikushkata, kamachiy tupushkata, mana katikuyta sumaychashpa katikushka rikuchirka.
Manarak kay willaykunata rimashpa, chay María José Carrión, chay huchachishka kamachiy killkak Sofía Espín mana allita willakpi shuyashun nirka, Comisión Multipartidista taripashkawan mana kimirikpi, Mamallakta Tantanakuy 85 apuchiwan taripana pachata chutachirka, chaypi paypak hayñiwan shayarinka nirka.
Kay Norma Vallejo hawa
Kamachiy killkak, Norma Vallejo hawa, kunanpika Comisión Multipartidista taripashka willayta riksinka, kay yuyarita paktachinkapa: Eliseo Azuero, Ana Galarza, Noralma Zambrano kamachiy killkakkuna arinirka.
Imashina rimanakuy shakirishkata rikushpa, kamachiy killkakkuna, kay Función Legislativa kamchiypak 1, 3 nikikunapi rimashkata hapishpa, huchachishkata llankaymanta surkuna nirka. Kay llakita ashtawan riksinkapa, kamachiy killkak Fabricio Villamar wanachichun mañak, ashtawan taripashpa katina kan nirka.
LILA/eg/jc-kichwa
