Mamallakta Tantanakuy chay Consejo Nacional Electoral (CNE) pichka Consejo Nacional Electoral kunakkunata llankaypi tiyachirka, Esthela Acero, Enrique Pita, José Cabrera, Diana Atamaint, Luis Verdesoto kamachikkuna tiyarin.
Paykunaka 2018 watamanta, 2024 watakama llankan, shinami Consejo de Participación Ciudadana y Control Social Transitorio kamaywasi kachashkata paktachin.
Kamachik, Elizabeth Cabezas Guerrero, Mamallakta Tantanakuyta pushak, kamachiyta arinichishka kipa chay Consejo Nacional Electoral (CNE) pichka Consejo Nacional Electoral kunakkunata llankaypi tiyachirka, chayñan sapan paykuna shutita pankapi aspirka, shutichishkata hapirka, chaywan llankay kallarinka.
Kay Consejo de Participación Ciudadana kamaywasi willashka, chay Consejo Nacional Electoral mishanakuypi paykuna shayarirka, yapa chanishka karka, paykunamanta mayhanpash llakita mana charirkachu, chaymanta paykunaka llankayta pushankapa achkata yachan, mana amawta yachaymantalla, kawsay yachayta charishkamantalla, mishanakuypika kikin runakayta ashtawankarin rikuchishka.
Kunakkuna
Mama Esthela Acero Lanchimba, Ingeniería Industrial yachayta charin, llaktakuna kachashka tukuylla llankaypi achka yachayta charin, Mamallakta Tantanakuypi llankarka.
Kay Luis Verdesoto Custode, chay Ciencias Políticas, Sociología, Filosofía yachaykunata charin. Yapa 20 watata akllana amawta yachayta charin.
Kay José Cabrera Zurita, Ingeniería Informática y Gerencia de Sistemas yachayta charin, 5 watata, tukuylla llankaypi, akllaypi achka yachayta charirka, akllay kamaywasipi llankarka, llikapi, sumakruraymanta achkata yachayta charirka.
Kay Fernando Pita García, ingeniero civil yachayta charin, payka 14 kamaywasita pushaypi, tantarikunata pushaypi, kullkita yupaypi yachayta charin.
Shinami Diana Atamaint Wamputsar, Ingeniería Comercial con campo en Administración yachayta charin, llaktakuna kachashka tukuylla llankaypi yachayta charin, kamachiy killkaky yachayta charin.
JLVN/pv/jc-kichwa
