Mamallakta Tantanakuy Mamallaktapi, suyupi, allpapachapak istallaktakunapi huchata takankapa llaktay tiyachun atinakun.
Kaytaka ista yachakkuna, Mamallakta Kamachikkuna, kamachiy killkakkuna, llaktayukkuna Conversatorio sobre Políticas Regionales contra el Crimen Transnacional yachayta pusharka.
Shinami Luz Ortiz-Nagle, chay Universidad Stetson de ST. Petersburg, Florida llaktamanta yachakkuna yachachirka, payka Derecho Penal Transfronterizo hawami yapa rimayka karka, kamachiy killkakkuna allita llankanamanta atinakunamanta rimarka.
Imashinami Elizabeth Cabezas, Mamallakta Tantanakuyta pushak rimashka shinaka, chay Kristen Pisani, ministra Consejera Interna del Departamento de Estado de los Estados Unidos de Norteamérica kamachik rimashkawan yachay paskarirka.
Kunan pachapika shuwayta harkankapa, anchuchinkapa kimirik kamachiykunatami rimakunchik, chaymanta, kawsaypi yachashkata riksinkapa kaypi kanchik, kay yachaykunata rakinaka may allimi kan, tukuy yachaykunami kay yachayta kallarishkata yanapak kashpaka alli kanka, Elizabeth Cabezas rimarka.
Yachachikka, kay mushuk yachayta pushankapaka tawka hatun yachakkunapak yuyaytami chaskinata charin nirka, yachayka: kullki, tawkayachay llika, yupay, wiñaykawsay, tantarikuna chaypi kay hawa kanka, hatun kamachikpak kamaywasikuna hawa yachachinka.
Taripakkuna mutsushka willayman yaykurinkapa, paklla allpalanuy, llankaywasikunata killkashkaman, pushak kamachik, llankaywasiyuk killkaman yaykurinka. Kay kamachiyta katishpa llankaykunata rikuk kamachikman chayanata riksichinka.
LILA/pv/jc-kichwa
