Mamallakta Tantanakuyta pushak, Elizabeth Cabezas Guerrero, chay Comisión de Soberanía, Integración, Relaciones Internacionales y Seguridad Integral tantaripi, mushuk Navegación, Gestión de Seguridad y Protección Marítima kamachiyta riksichirka, kay kamachiy Ecuador llaktapak mamakuchapi llankayta yanapanka.
Kay kamachiytaka, Fuerzas Armadas (FFAA) kamachikkunawan ishkantin tukushpami killkarka.
Yallik kamachiyka achka paya kakmi rikurirka, chaymanta shuk mushuk kamachiy tiyachun mutsurirka nishpa rimarka.
Kay kamachiyka 1801 watamanta shamun, chay watapimi Capitanía del Puerto de Guayaquil kamaywasi wiñarirka; shuk Reglamento de Guardacostas kamachiy, 1836 watapi wiñarishka kan; shinallatak Reglamento de la Policía Marítima kamachiy, 1906 watapi arinirishka kunankama llankakun, willarka.
Kay mushuk kamachiyka, 108 nikikunatami charin, kamachikpak llankayta, chapayta yanapanka, yallik kamachiyka XXI watapak mushuk llankaykunataka mana pushachinchu, shuwashpa kipikunata apakta, apamukta, shuwashpa chalwakta mana harkanchu; ista llaktakunawan llankayta, yachayta yuyarinkapa, mamakuchata kamankapa, ukllankapa mana yanapanchu.
Paymanta Ministro de Defensa, Oswaldo Jarrín kamachik, Mamallakta Tantanakuyta pushak kay mushuk kamachiyta killkay kallarishkamanta kushikuyta kurka, kay kamachiyka Convención de los Derechos del Mar, Convemar yuyarita killkankapa, arininkapa yanapanka.
Shnallatak, kay “Como Ministro de Defensa kamachik, chay Puerto Bolívar, Golfo, Santa Elena kuskakunapi makiwan chalwakkuna, kuyuwan chalwakkunawan llakita charishkata riksirkanchik nirka, chayta Fuerza Naval kamachik, Guardacostas kamachiywan, shuktak hillaykunawan rikuchik nirka, yanapak kamachiy mana tiyan”, rimarka.
EG/pv/jc-kichwa
