Chinkarishka runakunata mashkachun kamachik illakta uyankapa, Dirección Nacional de Delitos Contra la Vida, Muertes Violentas, Desapariciones, Extorsión y Secuestros (Dinased) chamachikkuna illarka.
Chgaymanta, Comisión Ocasional sobre Desaparecidos tantari, Fiscal General, Ruth Palacios kamachikta, María Paula Romo, ministra del Interior kamachikta kayanka.
Kay Absalón Campoverde, tantarita pushak, sasi killa, 12 punchamanta, 17 punchkama markakunaman rirka, chaypimi chinkarishka runakunata markapi mashkankapa Fiscalías kamaywasipi kamachikkuna mana tiyakta rikurka. Chaypimi Azuay markapi, Pichincha markapi Fiscal kamachik tiyashkata riksirka.
Kay Dinased kamaywasi, 22 markakunapi chusku chapakkunatalla charin nirka, chay Guayas mrkapi, Pichincha marka yalli chapakkuna tiyakta rikurka. “Chay Manabí marka, Mamallaktapi rikukpika hatun marka kan, chusku chapakuna mana paktanchu, paykuna llankanata man paktachin”, shinami Campoverde rimarka.
Chaymanta Fiscalía General kamachik, Ministerio del Interior kamachik riksichichun, Raúl Pérez Reina kamachik, chapak kamachik sukta markaman llankarka. Paymi Dinased kamaywapi kamay illakta riksichirka, markakuna mañashkata mana paktachin.
EG/jc-kichwa
