Kay Educación Intercultural kamachiypak 100 nikikuna mushukyachishka kanka

Miércoles, 05 de diciembre del 2018 - 15:11 Imprimir Elaborado por: Sala de prensa

Kay 031 yupay tantarimanta, Comisión de Educación minkashka Educación Intercultural (Loei) kamachiypak nikikunata allichishpa katinka.

Kay nikikunata llaktakunaman riksichinka, chaypi runakuna, kamachikkuna, tantarikuna paykunapak yuyayta churanka.

Chaypimi Organización de las Naciones Unidas para la Educación, la Ciencia y la Cultura (Unesco) kamaywasimanta, Ministerio de Educación kamachik, Consejo Nacional para la Integración de las Personas con Discapacidad (Conadis) kamachik tantaripi karka, paykuna mushuk yuyaykunata churarka.

Kay Silvia Salgado, kay tantarita pushak, 18 mushuk yuyaykunata chaskirka, kay mushuk yuyaywan 100 nikikunata allichinka, tukuyka 143 nikikunatami allichinka, shinami alli kamachiy killkarinka.

Allichinkapa katikuykunata rikunarakmi kan, kipaman willayta allichina kan: niki wachuta katishpami allichina kan, chaymi tiksi rikuykunata churanka, mashka llakikuna tiyashkatapash riksichinka, shinami chay atinakuykuna ashayarinka.

Kutintak rimanakuyta paskarka, achka runakuna shuklla yuyayta charichun mashkan, shinami mushuk Ministro de Educación, Milton Luna kamachikpak yuyayta riksinkapa mashkanchik. Kay kallari willayta runakunaman, llaktayukkunaman riksichina kan, paykunapash mushuk yuyaykunata churanka, shina alli kamachiy killkarinka.

Kay María Brown, Unesco kamachik, kay Objetivos de Desarrollo Sostenible (ODS) hatun yuyay yaykurichun allita rimarka, kayta pushankapa Mamallakta Tantanakuypak makipi kan, istallaktakunaman kimirinka. Kay Naciones Unidas, paypak yachaytapash churanata ushanami kan nishpa rimayta tukuchirka.

MG/ds/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador