Mamallaktapak tawka hatun kamachikkunawan, Elizabeth Cabezas Guerrero, Mamallakta Tantanakuyta pushak, Otto Sonnenholzner, Mamallakta Kipapushakta llankaypi shayachirka, payka Mamakamachiy rimashka shina 2021 watakama llankanka.
Mamallakta Tantanakuyta pushak, Mamallakta Kipapushak, Mushuk kamachik Otto Sonnenholzner Ecuador llaktaman shamukpi llankashun nirka.
Shinami, “Kunanka kikinkunapak ñawpakpi kani, kawsashpami, yachayta hapirin, wamra kashkamanta chikan chikan kuskapimi llankarkani, chaymi chikan kawsaykunata riksichun yanapashka, Ecuador llaktamanta runakunapak kawsayta riksirkani”, rimarka.
Achka llaktayukkunawan llankayta charirkani, paykunaka kay Mamallakta Tantanakuypi tukuykuna kishpiyrita charinkapami llankakun, Lenín Moreno Garcés taytata iskun wata washaman riksirkani. Chaymanta, ishkantin chay yuyaytallatak charinchik, hayñikunamanta llankankapa achikllami kanchik nirka.
Chaymanta “Mamallakta Pushak, Mamallakta kayashkamanta shuk llaktayukmi shamuni, kunanpimi llakta ushayta llankana mita tiyan, chaymi kamaywasiman llaktakuna yuyayta churanka, runakunapi shunkuta churanka, kaymi kallaripi kana kan, kutintak shunkuta sinchiyachina kanchik, chaymi tukuykuna hawaman rishun”, yapa rimarka.
Mamallakta Kipapushak, Otto Sonnenholzner Mamallakta Tantanakuyta yupaycharka, Mamallakta Pushak munashkata patachin nirka “Tantarishpa ñanta katishun rimarka, tukuykuna paktana yuyayta charishun nirka. Ñuka akllarikukta uyashpa, tantarita pushakuna, llankaywasita pushakkuna, llaktay tantarita pushakkuna ñukata yanaparka”, rimarka.
EG/ds/jc-kichwa
