Kay Comisión de los Derechos de los Trabajadores, yaykurishka (8) kamachiy killkakkuna, Reformatoria de la Ley de Seguridad Social de la Policía Nacional kamachiyta ishkaykutin atinakunkapa arinin.
Chaymi kay kamachiyka invalidez, vejez, muerte (IVM) hawa yanapnka, llankaypi rukuyashka kullkita hapinkapa ex Caja Policial kullkiwasita tikrachimunka.
Kamachiy killkak, René Yandún, kay Código Orgánico de Entidades de Seguridad Ciudadana y Orden Público kamachiyta mushukyachinkapa llankan.
Kay Seguridad Social de la Policía Nacional (ISSPOL) Kamachiypak 83 nikipak, ishkayniki killkamilkata, 21 puncha, raymi killa, 2017 watapi mushukyachirka, chaypi 1.700 runakuna yanapayta chinkarka, chaymi paykunapak hatun llaki urmarka, paykunapak aylllukunapapsh sinchi wakchayarka.
Kay hatun llakimanta “Chaymi payayashka IVM kullkita chinkarka, mana alli kan, Mamakamachiyta pakin, kaytaka utkashpami allichina kan; kay kamakwasika runakuna sapan killa churashka kullkiwanmi yanapak karka”, shinami Yandún kamachiy killkak rimarka.
Pay, kamachiy killkaka, Corte Constitucional kamaywasika, tawka shupaychaypi runapak hayñita takashka, chaymanta kutintak tikrachimuna kan nirka; chaymantami Instituto de la Seguridad Social de la Policía Nacional (ISSPOL) kamaywawasika IVM kullkita kushpa llankana kan nirka.
RSA/ds/jc-kichwa
