Mamallakta Tantanakuypak yuyariwan ishkay yachak runakunaman “Asamblea Nacional de la República del Ecuador doctor Vicente Rocafuerte”, kamarita kurka.
Shinami Javier David Flores Cedeño, José Vicente Galecio Franco kamarita chaskirka, kuchiyarirka.
Mamallakta Tantanakuymi imashina tupunata churarka, kaytaka Byron Suquilanda kamachiy killkak pusharka, kamarishka runakunaka Ecuador llaktamanta purik runakunapak ukumantami David Flores shuyuk, Vicente Galecio arawa ñanta rurankapa shamurka, paykunami Ecuador llaktata Apya-yala llaktapi hatunta rikuchishka.
Kay Vicente Galecio runami yachayta, maki rurayta hawapi churashka, paykunapak hatun yachayta rikuchishka. Payka Casa de la Cultura Ecuatoriana, Núcleo Internacional de Nueva York wasita pushakmi karka, willak tukushpa achka yachayta rikuchishka.
Arawakunatami yapa yachan, tukuylla kamaywasipi, shukpaklla kamaywasipi paypak yachayta rikuchishka. Ecuador llaktawan, chaymantami Estados Unidos de América llaktawan makita kushpa sinchita llankan.
Kay David Flores maki rurak kan, wiwakunata shuyun, shuktak shuykunata rurashpa sumak tullpukunawan kuychi shinata warawan, chaymanta llaktakunapi, raymukinapi, pampakunapi, arawakunapi rikuchin, runakunapak ñawita llipyashpa aysan. Chaymanta karita, warmita, wawakunata, imillakunata, ruku runakunatapash chayachin, munachin.
RSA/ds/jc-kichwa
