Kamachik Elizabeth Cabezas tawka tapuykunata tikrachirka

Jueves, 13 de diciembre del 2018 - 15:09 Imprimir Elaborado por: Sala de prensa

Shinami kunankama 24 puncha, pawkar killa, 2019 watapi akllarinkapa llankaymanta kamachiy killkakkuna llukshirka.

Shinami Elizabeth Cabezas, Mamallakta Tantanakuyta pushak willarka, chaypi runakuna tawka tapuykunata tikrachirka.

Kay Rómulo Minchala (Creo/Suma), Jorge Yunda (AP), Francisco Asán (PSC) kamachiy killkakkuna tapurka.

Shinallatak shuktak imashinami, Luis Fernando Torres kamachiy killkak tapurka, shinallatak Sonia Palacios, payka Consejo de Administración Legislativa (CAL) ukumanta kan, Comisión de Gobiernos Autónomos minkashkapi llankan.

Kay hawa, Mamallakta Tantanakuyta pushak, paykunapak kuskapi tiyachinka shuktak kamachiy killkakkunata tiyachina nirka, chay kuskakuna kipa katik akllashkakuna mana tiyarinka nirka. “ Mushuk yaykurikkuna, mushuk llaktay yuyaykunata pushamunka, llaktay shuyu tiyarinka”.

Chay Alianza País llaktay tantari ukupi mushuk runakuna tiyarinka. Llaktay tantaripi rimakkunatapash shuktak runawan rantinchina. Shinami kipaman alli rimanakuykuna tiyanka, achkata llankaykuna pusharinka, llankaykunapash mirarinka, shinapash kunan wata alli yuyaykuna ña tiyarinka.

Wakin kamachiy killkakkunapak makimanta yanka kullkita hapishkamanta llakitaka, kishpiychikkuna rikunata charin nirka, kamachik Elizabeth Cabezas, Fiscalía kamaywasi taripanka, paymi imashina kay llaki kashkata allichinka nirka, tawka huchachishkunapash mana allita taripashka, charirayashka rikurin nirka.

LILA/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador