Shinami Pukllana kuskakunapi llakikuna, takaykuna, ahaykuna, waktaykuna tiyakta anchuchinkapa Prevención y Sanción de la Violencia en el Deporte kamachiyta killkakun.
Chay kamachiy llakikunata harkankapa, anchuchinkapa yanapanka. Imashinami yallik watakuna ayllukuna, kusa warmi kasiklla, kushilla pukllay pampakunapi karka shinallatak kachun tiktachinka.
Kamachiy killkakkuna pukllayta tantarishka rikukkuna mana alli rurashkata kamaykurka.
Wañuykuna, chukrikuna, charishkakunata wallkichishka mana alli kakta rikurka. Mamallaktapak maypi pukllaykuna tiyakpi, chaypi kamaykuna tiyachun, imashinami yallik watakunapi ayllukuna, kusa warmi kasiklla, kushilla pukllay pampakunapi karka shinallatak kachun mañarka.
Chay mana allita rurakkunata, millikkunata, Mamallaktapak shutipi mana alli rikurishkata anchuchichun mañarka, chaypak kamachiyta allichina, sinchiyachina kan nirka. Kamachiywan wanachina, harkana tiyachun yuyachirka.
“Kunan punchami Ecuador llaktapak pukllayta yuyarina puncha kan”, shinami Carlos Vera rimarka, paymi pukllay kamachiyta Comisión de Salud kamachiypi riksichirka, kay kamachiyta arinishpaka runakunapak ñawpakpi may allimi rikurinka nirka, shina ñukanchik llaktaman hatun unanchata rikuchinka, Ecuador llaktapi kawsak runakuna aylluyarishpa kari warmi, wawakuna, imillakuna tukuyllatak kutintak tikramunka nirka.
Kay mushuk kamachiyka pukllana kuskakunpi kay llakikuna ama tiyachun harkanka, anchuchinka, pichanka. Llakichik runakunata wanachinka, huchachinka, ancha llaki kakpika wichkana wasiman kachanka. Allita kamankapa kayta rikunata charik kamaywasikunawan makita kushpa allichinka.
RSA/ds/jc-kichwa
