Kay Comisión de Biodiversidad tantari, chay Comité Nacional de la Conferencia Consultiva Política del Pueblo Chino (CPPPC) tantarimanta shamukta chaskirka.
Chaymnata, paykunawan makita kushpa pachamamata unipak kamana hawa rimarka, kay paktachishun, runakunatapash yanapashun nishpa willarka.
Kay Guo Gengmao, chay Comité Nacional de la Conferencia Consultiva Política del Pueblo Chino (CPPPC) tantarita pushak, Comisión de la Propuesta de este Comité tantarita kipapushak, ishkantin Mamallaktami wiñarina ñanpi kan, chaymanta pachamamapi tiyashka surkunkapa kan nirka.
Shinami “kay Ecuador wiñarinata rikurayakunchik, chaymanta ishkantin Mamallakta yanaparishpa wiñarina, llankaypi sinchiyana hawa rimarka, chaymanta ashtawan llakta ukuman llankaykunata pushanata ishkantin kamachikkuna rimarka”, rikuchirka.
Kunan, China llaktami allpapachapi tiyakkunakuna ukllana yuyayta charin, kay Ecuador llaktapak sinchi llankayta riksin, chaymantami imashina pachamamata mana wakllichishpalla llankanata munan, chay yachayta ñukanchikman rakina yuyayta charin.
Paymanta, Fernando Callejas, allpapachapi tiyak Mamallaktakuna imashina China llakta pachamamata mana wakllichishpa llankayta katin nirka, chaymanta ñukanchikpak llaktata chay yuyayman yaykuchin, chaymanta pachamamata ukllan.
Shinallatak, Carlos Solórzano kamachiy killkak, Ecuador llaktapi kamachiywan llankaypika, pachamamapak hayñita kamashpa llankana kamachiymi tiyan nirka, kay Código Orgánico del Ambiente kamachiy,, Recursos Hídricos kamachiy, Agrobiodiversidad, Semillas y Fomento de Agricultura Sustentable kamachiykuna tiyan, chaymanta rantinpura kamachiykunata yachana kan nirka.
Kachashkakunaka, Wang Shiyuan, Huang Xiqin yachakun karka, paykunaka Comisión de Legislación Militar kamaywasimanta; Xiong Shumin, Comisión de la Propuesta de la CCPPC tantarimanta; Yin Zuzhou, shimi tikrachik karka.
RSA/ds/jc-kichwa
