Yalli 524 awllikkunapak llankaykullkita ashayachin, chay ukupi 137 kamachiy killkakkunapash yaykurin, kay watapi 5% patsakrita kichunka.
Kaytaka, churashka Decreto Ejecutivo 624 kamachiytami paktachin. achiklla riksichin, runakuman hamutachin.
Shinami apak killa 2018 watapi churarka, Mamallakta Tantanakuy kullki illan nishpa Mamallakta Kullkita ashayachishkaman kimirin, $ 58 hunu kullkimanta, $ 49 kullkiman urayachishka kan.
Shinami, Elizabeth Cabezas, Mamallakta Tantanakuyta pushak willarka, 2018 watapi Mamallakta Tantanakuy sukta hunuta wakaychirka, chayka 10% patsakrimi nisha nin, shinami $ 58 hunu kullkimanta, $ 49 kullkiman urayachishkata rikuchin.
Kay $ 3,9 hunu kullki urayarka, $ 1,5 kullki churaypi urayarka, $ 1,1 karu uyarikpi, Mamallakta Tantanakuypak wasikunapi, mañachishka wasipi, killa llankay kullkipi kay kullkikuna tukurirka. Kamachiyta llaktakunapi willaypi, willana hillaypi kullki tukurishka.
Kay Agenda Legislativa Priorizada llankayta paktachishka, Mamallakta Tantanakuy 48 kamachiykunata arinirka, kay kamachiykuna Mamallaktapi kawsak runakunapak llankayta allichinka. Kay 2018 watapi 19 kamachiykuna arinirka, pusak kamachiy antinakuyman yaykurinkapa shuyakun, sukta kallari atinakuypak shuyakun, 15 kamachiykunaka chikan chikana minkashkaunami atinakukun.
Kay 2018 watapak kullakillapi, kamachiywan llankaypi wakin llankayta, llankayta katinata kallaripi churarka. Kay watapak chawpi killapi kay Código Integral Penal kamachiyta allichinkapa arinirka, tawka punchakunata charirka, shinami Diego García hatun kamachikta wanachirka, yalli kipapushak María Alejandra Vicuña kamachikta wanachirka, shinallatak Norma Vallejo yallik kamachiy killkakta shitarka.
Mamallaktapak hatun kamachikkunata chaskinkapa shuyakun, paykunaka Función de Transparencia kamachikta, Judicatura kamachikta, Tribunal Contencioso Electoral kamachikta, Consejo Nacional Electoral kamachikta, Fiscal kamachikta, Defensor Público kamachikta chaskinka, paykuna 2018 watapi llankashkata riksichinka.
LILA/ds/jc-kichwa
