Kayami Mamallakta Tantanakuy, 8 puncha, kulla killa, 10:05 sayllata rimanakuy kallarinka.
Shinami María Alejandra Vicuña, Norma Vallejo huchachishkata riksichichun mañashkata Corte Nacional de Justicia riksichinka, paykuna kamachiy killkak kashpa llankaypi pantarishkamantami wanachishka kanka.
Imashinami, Código Penal kamachiypi rimashkata katishpaka, paykuna huchata charishkamanta kimsa watamanta, pichka watakama wanachishka kanka.
Pay, kamachik kashpa kullkita, muruta, charishkata, kamarita, yanpapayta, wawakullkita, llankaykullkita, shuyukunata kuchun mañashkamantami huchata aparinka. Paywan llankakta kullkita mañashkamantami wanachishka kanka.
Shuktak rimanakuy
Shinallatak Consejo de Administración Legislativa (CAL), ukuman kimsaniki Rimayta Charikta akllanka, payka Luis Fernando Torres yallik kamachiy killkakpak rantimi llankanka. Chay kipa Eficiencia Energética kamachiyta ishkayniki atinakuyta charinka.
Shinalltak Eficiencia Energética kamachiywan Mamallakta ashtawan wiñarishpa katinka, michakunata ashatalla mawkayachichun yanapanka, shinami llaktayukkunapak wayakata yanapanka. Zirma llankakwasikuna shuktak llankakwasikunawan chimpapurashpa llankanka.
Shuktak mushuk yuyayka zirmata mana yanka tukuchinami kan, chaymi pachamamata mana mapayachishpa kawsanata yachachinka, chaymi awki mikuna tiyachun murukunata mana illachinka. Chiri kunuk rantinchirishpami tarpukkunata, uchilla chalwakkunata llakichishka, kay kamachiywan pantaykunata allichishpa, ayllukunapi mikuna tiyachun yanapanka.
Mamallaktapi tiyakta alli mawkayachichun yanapanka, mana tukurik nina ushayta, nina yakuta, ashayachinka. Kay Ecuador llaktapika, 67% patsakrita rupana yakupi, punkaramanta llukshishka yakupi, yakuyachishka waksipi kullki tukurin. Chay 15% patsakrimi zirmamanta ushay shamun.
LILA/jc-kichwa
