Mamallakta Tantanakuy yachachikkuna rukuyashkaman yanapan

Jueves, 10 de enero del 2019 - 15:07 Imprimir Elaborado por: Sala de prensa

“Kawsakpi kullkita kuchun, wañukpika imapak…”, shinami rukuyashka yachachikkuna Mallakta Tantanakuypi takirka.

Kipamanka chayta uyashpami 2008 watamanta, 2010 watakama anchurishka yachachikkunata kamachiy killkakkuna (119) apuchiwan arinirka.

Shinami Mamakamachiy rimashkata paktachirka. Kay kamachiyka kipaman Kamachiy Kipupi killkarinka, ña llankayman yaykurinka, yuyak runakunata yanapanka.

Mamallakta Tantanakuy paktakayta ruran nirka. Paykuna yachachina llankaypi payayashkakunaka 7.800 runakunami kan, paykunami kay kamachiymanta yanaparinka. Kunankama 700 rukukuna ña wañushka, paykunapak ayllumi kullkitaka hapinka.

Manarak, Mamallakta Tantanakuypak rimanakuy kallarikpi, Elizabeth Cabezas Guerrero, kamachik alli shamaushkata kurka, ñawpa achka watakunamanta llakirishpa shamushkankichik nirka “kunanka chaymanta ranti” yanapayta hapikrinchik nirka.

Kay Educación Intercultural kamachiy, 2011 watamanta llankay, chay watapi 2008 watamanta, 2010 watakama, llankaymanta anchurishka yachachikunata kamachiypi mana yaykuchirka, ashtawankarin tsiknirka, chay watapi anchurishka yalli llakita charirka.

Chaymantami, Mamallakta Pushak, Mamakamachiy rimashkata hapishpa, yachachishpa rukuyashka runakuna kay kamachiywan yanapachun kamachiyta arinirka, shinami 2011 watamanta llankaymanta llukshishkata riksinka, kullkiwan yanapanka, kay llakita pitinka.

RSA/ds/jc-kichwa

 

Av. 6 de Diciembre y Piedrahita · Teléfono: (593)2399 - 1000 | Quito · Ecuador